GESANG 281

1. HEER JESUS, WARE MENS EN GOD,
   U, EENS GEMARTEL EN BESPOT,
   IN STERWENSNAG ALLEEN, VERSTOOT -
   U ROEP ONS TOE OOR GRAF EN DOOD: 

2. VREES NIE, WANT EK, VERRESENE,
   DIE EERSTE, LAASTE, LEWENDE,
   WAS DOOD, MAAR LEEF IN EWIGHEID;
   EK HET DIE DODERYK ONTSLUIT ! 

3. WIE IN MY GLO, LEEF EWIGLIK !
   LAAT JOU NIE DEUR DIE DOOD VERSKRIK: 
   JY IS VERLOS EN EK SAL JOU
   VIR EWIG IN MY HANDE HOU. 

4. HEER, AS EK EENS IN STERWENSNOOD
   ALLEEN, BEANGS STAAN VOOR DIE DOOD,
   VERSTERK IN MY DIé SEKERHEID:
   U SAL EK SIEN IN HEERLIKHEID !